Гэтак мне яшчэ не выпадала...

Сярэдняя: 5 (1 голас)
Гэтак мне яшчэ не выпадала,
Не было ўва мне такой нуды,
Каб да беглай сцежкі прыпадала,
Што бяжыць няведама куды.

Гэтак не было яшчэ са мною, —
Каб не знала: вораг ты ці брат;
Каб канала над чужой струною
Сэрца,
            ўкамянелае ад страт.

...Чуйныя,
                 дажджом размыты крокі.
З дрэў злятаюць дзён календары.
I сатканы вобраз твой далёкі
З белага туману і зары.